តារាសម្ដែងរៀមច្បង លោក ទេព រិនដារ៉ូ មិនខ្វល់ទេចំពោះរូបថតអាក្រាតកាយមួយសន្លឹក ដែលគេយកទៅបង្ហោះនៅលើបណ្ដាញសង្គម Facebook។
ការមិនអើពើខ្វល់ខ្វាយពីសំណាក់តារាសម្ដែងល្បីឈ្មោះរូបនេះ ធ្វើឡើងបន្ទាប់ពីរូបថតអាក្រាតកាយរបស់លោកមួយសន្លឹកត្រូវបានគេយកទៅបង្ហោះក្នុង Page ភេទទី៣។ ក្នុងPage នោះមានប្រិយមិត្តខ្លះថា ជារូបកាត់ត ហើយអ្នកខ្លះទៀតថា ជារូបពិតរបស់ លោក ទេព រិនដារ៉ូ។
អានអត្ថបទ៖ ទេព រិនដារ៉ូ មួយខែថត ៤រឿងជាប់គ្នា
ទាក់ទងទៅនឹងរូបថតអាក្រាតកាយមួយសន្លឹកនេះលោក ទេព រិដារ៉ូ បានប្រតិកម្មថា មិនមែនជារូបពិតរបស់លោកនោះទេ គឺមានមនុស្សខិលខូចមួយចំនួនយកទៅកាត់តដើម្បីធ្វើបាបលោកប៉ុណ្ណោះ។
“ធម្មតាទេយើងមិនអាចគាប់ចិត្តមនុស្សត្រូវទាំងអស់បានទេ មនុស្សនៅតែល្អ ហើយខ្ញុំជឿជាក់បងប្អូនទាំងនឹងជឿលើខ្ញុំ ខ្ញុំមិនបានធ្វើទង្វើទាំងនេះទេ គឺមានមនុស្សមួយចំនួនទៀតចង់ធ្វើបាប”។
តារាសម្ដែងនៅតែទាក់ទាញការគាំទ្រ ពីមហាជនរូបនេះបានបន្តថា លោកមិនមានបំណងវែកមុខអ្នកដែលយករូបថតអាក្រាតកាយទៅបង្ហោះលើបណ្ដាញសង្គម Facebook ទេ។
លោកថា កាលណាប្រតិកម្មធ្វើឱ្យរឿងនេះនឹងកាន់តែធំ ហើយឥតប្រយោជន៍ ដូច្នេះមានតែសំងំស្ងៀមធ្វើមិនដឹងមិនលឺ នឹងធ្វើឱ្យរឿងនេះ សាបរលាបនៅក្នុងរយៈពេលដ៏ខ្លីខាងមុខ។
យ៉ាងណាក៏ដោយ លោក ទេព រិនដារ៉ូ លើកឡើងថាលោកមានការអាក់អន់ស្រពន់ចិត្តខ្លះដែរ ចំពោះអ្នកដែលយករូបថតទៅកាត់ត ហើយបង្ហោះនៅ Facebook ដោយមិនគិតពីអារម្មណ៍របស់សាមីខ្លួន។
លោកបានបន្តថា ការធ្វើបែបនេះមិនបានធ្វើឱ្យប៉ះពាល់ដល់ប្រជាប្រិយភាពឡើយ ព្រោះលោកមិនបានប្រព្រឹត្តិទង្វើទាំងនេះនោះទេ។
អានអត្ថបទ៖ ទេព រិនដារ៉ូ “គ្រាមួយ សម្តេចតា ធ្លាប់ចាប់ឱបខ្ញុំថត!”
តារាសម្ដែងមានប្រភពមកពីខេត្ត បាត់ដំបង រូបនេះ បានសង្កត់ធ្ងន់ថា លោកមិនមានការព្រួយបារម្ភឡើយចំពោះការធ្វើបែបនេះ ហើយក៏មិនមែនជាលើកទីមួយដែរសម្រាប់ខ្លួនលោក ដោយមានមនុស្សជាច្រើនធ្លាប់ធ្វើទង្វើនេះជាច្រើនមកហើយ។
លោក ទេព រិនដារ៉ូ បានថ្លែងអំណរគុណដល់មហាជនទូទៅតែងតែគាំទ្រលោក និង បានជឿជាក់ចំពោះទង្វើរបស់លោកថា មិនបានធ្វើសកម្មភាពបែបនេះ ហើយលោកបានស្នើដល់អ្នកចង់ធ្វើបាបលោកនាពេលកន្លងមកបញ្ឈប់សកម្មភាពរបស់ខ្លួនជាបន្ទាន់។
កាលពីពេលថ្មីៗកន្លងទៅរូបថតអាក្រាតកាយមួយសន្លឹករបស់តារាសម្ដែងល្បីឈ្មោះ លោក ទេព រិនដារ៉ូ ត្រូវបានគេយកទៅបង្ហោះលើបណ្ដាញសង្គម Facebook ក្នុង Page ក្រុមភេទទី៣ ដែលនាំឱ្យមានការជជែកគ្នាផុលផុសពីមហាជនទូទៅចំពោះរូបនេះ។ យ៉ាងណាក៏ដោយលោក ទេព រិនដារ៉ូ បានបដិសេធន៍ ហើយមិនខ្វល់ចំពោះទង្វើអ្នកប្រព្រឹត្តិនេះឡើយ៕
ប្រិយមិត្ត និងមិត្តៗ យុវវ័យថាទៅមើល រូបថតនេះជារូបថតកាត់ត ឬមួយមែនទែន?
អត្ថបទ៖ អ៊ីង សុឡា
រូបថត៖ Facebook
Post a Comment